Urtero bezela, azokara joango naiz, eta urtero bezela, azoka bigarren mailako bihurtuko zait, edo hirugarren mailako, juergak ere izaten baitu bere lekua, eta ez txikia. Azoka, neure (h)egitik, Facebook bezelakoa da: aspaldiko eta urrutiko lagunak topatzeko (g)unea. Facebook, edozein sare sozial bezala, objektu sozial bat partekatzeko esparrua da, baina zaila da jakiten zein den objektu sozial hori, seguruenik bat baino gehiago izango delako. Azokaren kasuan ere halaxe gertatzen dela iruditzen zait: ez dago oso garbi zein den bertaratzen garenok konpartitzen dugun objektu soziala, nahiko argia iruditzen baitzait ez dela ez literatura ezta, inondik inora, musika ere. Seguruenik Katixa Agirrek eta Castillo Suarezek pista onak eman dituzte. Zein da (i)errealagoa, Durangoko Azoka edo Facebook? Zein da zure iritzia?
BTW, eskertuko nizuke libururen bat gomedatuko bazenit, azokara joango naizenean gauza zehatzen bila joan nadin zuzenean, standz stand interesatu aurpegia jarri behar izanik gabe 
