Noizko Herri Mugimenduaren Museoa?
Aspaldiko frustrazioa daukat barruan, eta gaur askatu egingo det: beharrezkoa eta premiazkoa da herri mugimenduaren museo bat Euskal Herrian.
Zertarako? (Funtzioak)
1. Kalitatezko herrigintza egiteko kalitatezko herri mugimendua behar da, zeinahi dela mugimendu hori osatzen duten antolakundeen forma. Jardueraren kalitaterako baliabidegune izan behar du: formazioa, hedapena, e.a.
2. Kalitatezko herritartasuna bultzatzeko plataforma: baloreak, sistema politikoarekiko harremanak, e.a.
3. Herri Mugimendu bere baitan.
4. Eztabaidarako eta prospekziorako markoak irekiko dituen gunea, etorkizunera begira. Berrikuntzagune.
5. Euskal Herriko Herri Mugimendua dena eta izan dena zedarrituko duen agentea, herri mugimenduaren historia bere benetako egien bidez kontatua izan dadin.
Eta abar…
Laburbilduz: kalitatezko herritartasuna eta kalitatezko herrigintza bultzatzeko plataforma ekintzaile bat.
Joxemi Zumalabe Fundazioari proposamena egin nion, baina ez nuen arrakastarik izan, egitasmo eta bultzatzaile bikote egokia direla pentsatzen segitzen dudan arren.
Leku bat? Tabakalera.
Zer diozu zuk?
