Atzotik twitterren dago (h)egia.

Azken garaiotan Ernaikoekin ordu batzuk eman ditudanez, uste dut badudala iritzia ematea atentzioa deitu didan aspektu baten inguruan.

Goiko irudia Ernairen webguneko hasiera-orriadea duzu (oraintxe itxi du webgunea Entzutegi Nazionalak). Hasiera-orrialde horretan gazteak behin bakarrik agertzen dira, eta letra txikian. Bi menu dauzka orrialdeak, eta gazteak ez dira ez batan ez bestean agertzen (sliderrean ere ez). Webguneari dagokio bakarrik kontua edo sakonagoa da kontua ordea? Adi Ernairen leloari: antolakuntzaz independentzia, sozialismoa eta feminismoa. Non daude gazteak, berriz?

Nago norbaiti bere misioa eta identitatea ahaztu egin zaizkiola, eta, jakina, horrela ezin da tajuzko komunikazioa egin, komunikazioa beti delako misioa betetzeko tresna.

Akaso oker nabil eta Ernai ez da gazte erakunde bat, gazteen erakunde politiko klasikoa baizik, baina badakigu zer gertatu zaien funtzio sozial zuzenik gabeko ezker abertzaleko antolakunde guztiei. Transparentziaren garaietan funtzio sozial zuzenik gabeko antolakundeek ez dute iraungo. Adi, Sortu.

Hartara, Ernaik bere erabilgarritasun sozialari erreparatu beharko lioke, hala arrazoi ideologikoengatik nola estrategikoengatik (eraginkortasuna) ere.

1. Batetik hamarrera, nolako garrantzia ematen diozu komunikazioari zure ikastetxearen* kudeaketaren barruan? (*ikastetxea adibide bat besterik ez da)

1  2  3  4  5  6  7  8  9  10

2. Koherentea da komunikazioari aitortu diozun garrantzia eta komunikazioan inbertitzen duzuna?

3. Komunikazio zuzendaririk badago? Barrukoa da edo kanpokoa?

4. Ez badago, zein da zure iritzia: egon behar du edo ez?

5. Baiezkoa bada, zuzendaritzan dago? Noren menpe?

6. Zein dira Komunikazio Zuzendari baten konpetentziak?

7. Zein dira bere funtzio zehatzak?

8. Ulertzen duzu komunikazio zuzendaria eta komunikazio arduradunaren arteko ezberdintasuna?

9. Bolondresa da edo soldatapekoa?

10. Komunikazio korporatiboaren profesionala da? Zein dira bere ikasketak eta esperientzia arlo horretan (kazetaritzak ez du kontatzen)?

11. Orain arteko esperientzia kontutan izanda, zenbateko etekina ateratzen zaio komunikazioari, zure ustez? Zergatik?

12. Definituta dauzkazu zure marketing helburuak eta zure komunikazio helburuak?

13. Zure komunikazioa marka esanahi jakin baten agindupean antolatzen duzu?  Ba al dakizu zein inpaktu daukan horrek zure ekonomian eta zure eraginkortasunean?

14. Zein dira ikastetxe baten xede-taldeak?

15. Nolakoa da xede-talde horiekin dauzkazun kontaktu-puntuen kalitatea?

16. Zer espero du horietako bakoitzak zutaz?

17. Nola dakizu hori?

EXTRA:

18. Zalantzatan nago, ez baitakit zein ikastetxera eraman nire alaba. Zurea ez dago oso egoera onean aurten matrikulazioaren aldetik. Azal ezazu 12 hitzetan zergatik aukeratu behar dudan zure ikastetxea.

19. Jasotzen al du zure ikastetxearen komunikazio-estrategiak oraintxe eman duzun azalpenaren mamia?

20. Maiatzan gaude: onartu dezue jada komunikazio-plana?

Zerbaitek huts egingo zidan seguruenik zerrenda horretan. Hola bada iruzkinetan esan eta galdetegia hobetuko dugu.

Astelehenean Deban egon nintzen hitzalditxo bat ematen bertako merkatariekin. Bi gai jorratu behar nituen:

1. Komunikazioa gehiago saltzeko

2. Euskara marketing aldagai gisa

Dozena bat merkatari elkartu zen, eta saioa oso ondo joan zela uste det. Bi lan-esparru bereiztu genituen, makro eta mikro. Lehenegoan herria eta erdigune urbanoa pentstazeko enfoke bat landu genuen batetik, eta hori egungo merkataritza zentro handiekin alderatu, balantzea noren alde ateratzen den konturatu zitezen. Bestetik, merkatarien, udalaren eta beste eragile instituzionalen egitekoak zirribiorratu genituen. Mikro mailari dagokionez merkatari bakoitzaren egitekoak zirriborratu genituen, eta, zehazki, komunikazioari dagozkionak. Kopuru horretako taldea elkartzen den  guztietan gertatzen den bezala, eztabaida eta partehartze bizia  gertatu ziren. Nere aldetik eskura dauzkaten aukera eder guztietaz jabetu zitezen saiatu nintzen, ni neu merkatari ohi izanda, bastante ondo baitakit merkatarien ajeak zein diren. Bestalde,  aspektu estratégiko eta praktiko dezente atera ziren eta halaxe joan zen goiza. Gerora hitzaldia borobildu egin det piska bat eta prest utzi det hurrengo baterako, gai interesgarria eta jorratu beharrekoa iruditzen baitzait.

Bukaera aldera jorratu genuen euskararen gaia, bastante modu azkar eta azalekoan. Hartara nere beldur guztiak bete egin ziren, bezperatik baineon kezkatuta euskararen gaia non-nola kokatu asmatu ezinik. Etxean hiru egituraketa ezberdin jorratu nituen arren, bakar batek ere ez nindun asetu. Azkenean nekeak hartu zuen erabakia. Goizean goiz Debako euskara teknikariarekin elkartu nintzenean halaxe esan nion: “hurrengo baterako gaiak bereiztu egingo nituzke, ez baitut modua topatu bi gaiok ondo josteko, bi garapen ezberdin direlako, ta azkenean euskara aldagai gisa landu det, ez ardatz gisa”. Zuei ere aholku bera ematen dizuet, gaiak bereiztu. Edukiaren aldetik, euskara eta merkataritza jorratzeko enfoke “berri” bat landu nuen, eta uste dut emankorra izan zela, hala merkatarien aldetik nola euskalgintzaren aldetik, denei jarri bainizkien etxekolanak