Alzheimer

Oporretara joan aurretik eta irailean itzuli bitartean, kanpaina on bat utziko det.

Via ads of the world

Euskara eta Publizitateak blog berria

Berria, freskoa eta oso mejoratua

Zorionak, Iñigo.

Elkarrizketa al da Errege?

Berriki edukia al da publizitate berria? galdetzen nuen, halaxe irakurri niolako nere iturriaren iturriari. Edukia Errege dela dioen ikuspegiaren parekotzat jo nuen nik, oso ikuspegi zabaldua, eta oso eztabadaitua. Izan ere, marketinean aritzen den jende askok esaten du ez dela berdina entretenitzea eta saltzea, eta entretenimendua saltzeko bidea denik ere ukatu egiten dute.

Niri ere baieztapen borobilegia iruditu zitzaidan edukiaren erregetzari buruzkoa, nahiz eta aitortu behar dudan bizikletarekin bihurrikeria horiek guztiak egiten ikustea paregabeko espektakulua iruditu zaidala, mendiko bizikletazalea naizen aldetik. Nik ez daukat Hope etxearen osagairik bizikletan, kalitatezkoak direla badakidan arren. Horren berri foroetan izan dut, ez publizitatearen bidez. Osagaiak erosteko garaian foroetan esaten diren gauzak hartzen ditut kontutan, askotan hori ere zaila den arren ikusita nolako esperientzia eta iritzi ezberdinak ematen diren foroetan produktu berdinaz. Hori da elkarrizketa.

Horregatik, gaur beste baieztapen borobil bat ekarri det: elkarrizketa da Errege. Horrela al da? Zer diozue? Non dago jendearengana iristeko eta haien jokaerak kondizionatzeko sekretua, edukian edo elkarrizketan? Azpiko argazkian agertzen den testuaren azkeneko ideia oso zorrotza iruditu zait: elkarrizketa da errege, edukia zerbaitetaz hitz egiteko aitzakia besterik ez da. The Cluetrain Manifesto-ren aldarri ozena ematen du.

Via Javier Godoy

Biolentzia matxista

Grafika ondo dagoen arren, copya gustatu zait neri.

Via ads of the world

Sensodyne

Via ads of the world

Ikusmena errekuperatu 15 minututan

Via Briefblog

Argia Sariak eta beste

Aste bukaera mugitua izan nuen pasa den astean, ta gaur arte posteatu ezinik ibili naiz, hain da latza antxotarraren bizimodua .

Argazkia: iMamon

Ostegun atsaldean .eus elkartea aurkeztu zen Durangoko Plateruenan, eta bertan egon nintzen euskal blogosferako hainbat eta hainbatekin, gustura eta harro samar, partizipazio txiki bat izan dugulako ekimen horretan (oso txikia). Izan ere, gure enpresan urtero egiten dugu lanen bat “baidefeis” kausa sozialen batentzako, eta iazkoa .eus-entzako egin genuen. Ekitaldi xumea eta elegantea iruditu zitzaidan, baina gauzarik inportateena da askatasun sentimendu bat nagusitu zitzaidala, sekretupeko ekimena publikoa delako behingoz, eta orain lasai aski dagoela berari buruz hitz egitea. Aspaldi ez nuen ikusten ekimen bat hain ondo taxutua eta zaindua bere alde guztietan, eta txororen batek edo bestek hitzartutakoa bete ez eta haserreren bat edo beste piztu badu ere euskal hedabide batzuen artean, dena ondo ateratzen ari dela esango nuke. Harreman publikoen indarra berriz mahai gainean, batez ere estretegikoki ondo definituta daudenean. Sare sozialetan eta e-mailetan azkar zabaldu da berria, eta jendea etengabe ari da sinatzen babesa emateko ekimenari.

Argazkia: Argia

Euskal hedabideen haserrearen berri Argia Sarietan izan nuen, hurrengo egunean, ostiralean, urtero bezela Txitxardin Betzan egiten den bazkari-ekitaldian, nere mahaian eserita zeudelako Argiako kazetari batzuk (eskerrik asko zerbitzari ataundarrari pasarazi zizkigun une onengatik). Bigarren aldia da bertaratzen naizela, duela lau urte Argia Saria eman ziotelako Bertsozale Elkarteari 2005eko publizitate kanpaina onenari, eta ni izan nintzelako kanpaina hartako Komunikazio Burua. Oraingoan Usurbilgo Udalari eman diote 2008ko publizitate kanpaina onenari Argia Saria, argudio hauekin:

Aurten PUBLIZITATEko ARGIA SARIArekin saritu nahi dugu kanpaina oso bat, izan
duen eraginkortasunagatik eta herritarren parte hartzea bultzatzeko egin duen
ahaleginagatik.

Garapen jasangarria mundu guztiaren ahotan dabilen honetan eta zaborren kudeaketa geroz eta arazo zailagoa bihurtzen ari denean, formula berriak bilatzeko ahalegina egin dute eta erakutsi dute, publizitateak balio dezakeela kontzientzia ekologikoa sortzeko ere.

Enpresekin, dendariekin eta herritarrekin lan egin dute soinez soin, gertutik, kale-kaletik, helburua garrantzitsua delako: eguneroko ohitura txiki batzuk aldatuta, herritarren bizi-kalitatea hobetzea eta naturarekin harreman hobea izatea.

Horregatik guztiagatik, 2009ko PUBLIZITATEko ARGIA SARIA irabazi du atez-ateko zabor bilketa sustatzeko USURBILGO UDALAK egin duen “MARGOTU EGUNAK” kanpainak.

Kanpaina gure enpresak egin du, Harmanek, eta horregatik joan naiz aurten ere, pozik. Asko poztu nintzen, era berean, Librezalek jaso zuen sariarengatik.

Xabier Mikel Errekondo joan zen saria hartzera, eta aukera aprobetxatu zuen hitz luze samar batzuk botatzeko, aprobetxatuta bertan zegoela Gipuzkoako ahaldun nagusia, Olano, eta gauza jakina da Olanok, Ormazabalek eta konpainiak ez dutela ondo hartu Usurbilgo atez atekoa. Gainera, lagundu beharrean, traba besterik ez diote egiten Usurbilgo Udalari, ekonomikoki ito dadin. Pentsa, autokonpostagailuak ere ukau egin dizkio!!! Eta hori egiten dute gu guztion diruarekin… Xabier Mikel ondo aritu zen, eskua luzatu baitzien une oro, gauzak ondo bidera daitezen, baina, esan beharrekoak esanda.

Xabier Mikel Errekondo eta Andoni Egaña dira nere begi niniak “diskurtsoen idazle eta prestatzaile” naizen aldetik. Biak dira oso-oso diziplinatuak eta konfiantza osoa erakutsi didate beti. Ez dute inoiz ezer esan gabe uzten, eta ez dute paperik behar aurrean horretarako. Eta, hala ere, oso ezberdinak dira biak zeregin horretan. Beste egun batean arituko gera honetaz.

Argazkia: GARA

Azkeneko “saraoa” Durangon izan zen, berriz, Landakon. GARAren hamargarren urteurrena ospatzen zen, ta kolaboratzaile gisa gonbidatu gintuzten, hainbat kanpaina egin dizkiegulako azkeneko garaiotan, hamargarren urteurrenarena barne: LIBRE. Esan behar det ekitaldia xumea iruditu zitzaidala, ezberdina beste batzuekin alderatua, bestelako formato bat erabili zutelako, berria neretzako eta gogoan hartzekoa etorkizunerako. Oholtzarik gabeko ekitaldia izan zen, eta horrek dena baldintzatu zuen, eta oso inpaktantea izan zen 10 urteko portadak errepasatu ahal izatea: zer ez den gertatu urte hauetan guztitan!

Publizitatea aldatu egin dela, txo

Via estrategia de comunicación

Kanpaina ona

Zuzenkeria politikoaren auzia alde batera utzita, ikaragarri gustatu zait kanpaina hau. Egia esan irudia oso-oso ederra eta erakargarria egiten zait. Jakinda ni naizela xede-taldea, gizon heterosexuala, bete-betean asmatu dutela esango nuke. Gizonei hitz egiten die hainbat estereotipo erabilita (kirola, zerbeza eta bakarkako sexua), kontrapunto sinpatikoa jarrita. Esan gabe doa, modeloen edertasuna eta argazkien kalitateak asko laguntzen du. Hori da diseinu grafikoa eta dekorazioaren artean dagoen ezberdintasuna: dekorazioak nere etxeko logela apaintzeko balio du, baina diseinu grafikoak estrategiaren zerbitzura egon behar du, seguruenik hor dagoelako kontsumitzailea inplikatzeko gakoa.

Kanpainak irudi ezberdinak erabiltzen ditu, baina guztien artean hauxe aukeratu dut, benetan ausarta iruditu zaidalako, eta kanpainari sustengu estrategiko osoa ematen diolako. Ez da imaginazio handia behar…

JBS etxeak egin du, Danimarkan, eta hauxe da leloa: “Men don’t want to look at naked men”.

Via etc